My blog is moving...

You are being redirect to my new blog, please wait a few seconds or click here to go!

年初二

同屋企人去玩，錢唔使我俾。

大飽口褔呀！！

今晚同家姐約左老豆食飯，老豆話原居民由阿士尼道搬左去近山林道果頭，所以我地就去試下喇！

地方比之前真係好左好多多多！！！ 新裝修又大左好多 wow，仲有個可容納十幾人既 function room tim，老豆話有成三千幾尺，但租金仍然比之前既平！

不過仍然係有不足之處既，就係個廁所喇，男廁得一企一坐，佢 full house 既時候都應該可以有成佰人，你話是但整幾個一齊想痾的話會點算？！

今晚既 set dinner 有七至八款，全部都二佰有找，Ｄ野好好味架 wor，算平喇！我地各自叫左個 dinner，老豆同我就整多杯 Chile 既 Merlot... 個前菜一碟有四樣野加個湯，sorry，太好味喇，令我忘記左我食左Ｄ乜，係好味就得喇！我既主菜係 巴黎牛“扌八”，唔使諗，五成熟喇唔該！！佢上面淋左焗田螺既香草汁，oh... Bravo~~~~~ 而老豆同家姐就分別食幼麵同埋羊“扌八”。

甜品係 Ginger ice-cream，辣辣地，好過癮！ 最後餐飲當然唔少得囉...

哈哈，埋單都係三佰幾...... 你地計下條數係咪好似有Ｄ野呢？！因為係老豆識得個老細，所以計平左囉.....

可惜今晚女友無份，是關佢九點幾都仲未放工.... sigh....

衣個 Flash 做得好！

PUMA Bodywear

Funny Article

Linux比Windows更加容易被外星人入侵

搞笑到有 D 過份...

阿姐今朝同我講：「Sorry，尋日我太趕時間出門，唔記得叫埋你一齊去開會。」

我就咁就坐左個下午囉...

衣兩個星期我都 fuxk fxck 地...

朝早返工就粉癮起，勁想訓。

夜晚一係就唔眼訓好似而家咁，一係就發夢醒左訓唔返......

咁快就一年喇！

尋日十二月五日係我舊同事既結緍一周年記念，唔係我好記性（我通常都唔會記，所以我先要 iCal...），而係人地話我知既。

係咁𠲖都要講返句恭喜既！ 與此同時我部 D-Cam 都供夠一年喇，哈！

衣位朋友都係搞笑架喇，我幫佢個 wedding 影 snapshot 然後燒左隻 DVD-R 俾佢，成年後佢先同我講話隻碟開唔到... 我都知我影 D 相影得唔好架喇，成年都未開o黎睇過，sigh.....

你好命，我仲有 Backup，唔似 philip 咁成隻 Hardisk 打左柴，jar 都無！

我真係 Starbucks 既常客

今日既早餐係 Sausage Roll + Grande Hot Soya Latte.

無覺好訓！

sigh... 近幾晚都訓唔好，諗住今日可以訓耐Ｄ，點知晨早八點幾就俾樓下嘈醒，即刻彈起身想向樓下破口大罵之際，發現原來係有人結緍，無哂計喇，人地好日子... 即刻收哂火 lor...

at17 有演唱會...

佢地有Ｄ歌都幾好聽，不過未買過佢地Ｄ碟。

睇下佢地個 blog 喇，都幾得意架，有 snapshot 睇；佢地仲要係 Mac user wor....

我見有部不似人形既 PowerBook，仲有 iPod + Shure E4C 呀～～～ 只係對 earphone 既 $$ 就夠買多部 nano 喇！！！！